«Барселона» президенти Жоан Лапорта Хулиан Алварес трансферини амалга ошириш учун музокараларга шахсан аралашди.
Diario Sport хабарига кўра, каталонияликлар Мадриднинг «Реал» клуби ҳам футболчи учун курашга қўшилганидан хавотир олмаяпти. Клубдагилар буни трансфер жараёнидаги навбатдаги «шахмат юриши» сифатида баҳоламоқда ва «Реал»нинг мақсади битимни мураккаблаштириш деб ҳисоблайди.
Шу билан бирга, Лапорта аргентиналик ҳужумчининг агенти Фернандо Идалго билан учрашган.
Манба маълумотига кўра, агент «Барселона» президентига «Реал» томонидан Алварес учун ҳеч қандай расмий таклиф бўлмаганини маълум қилган. Шунингдек, футболчининг ўзи ҳам бундай вариантни кўриб чиқмаслиги айтилган.
Қайд этилишича, Алвареснинг позицияси аниқ — агар у «Атлетико»ни тарк этса, фақат Испания чемпионлари сафига ўтишни истайди.
Лапорта ва Идалго учрашув давомида трансфер суммасини ҳам муҳокама қилган. «Барселона» футболчи учун 120 миллион евро ва бонуслар таклиф қилишга тайёр. Битим тузилишига қараб умумий сумма 130 миллион еврога яқинлашиши мумкин, бироқ ундан ошиши кутилмаяпти.
Эслатиб ўтамиз, аввалроқ «Реал» Хулиан Алварес учун 150 миллион евролик таклиф юборган, аммо «Атлетико» уни рад этганди.
Маълумот учун, Мадрид клуби энди «Барселона»га ҳам футболчини 150 миллион евродан арзон нархда сотмаслигини билдириши мумкин.
