«Реал» ҳимоячиси Марк Кукуреля Мадрид клубига ўтиши ҳақида фикр билдирди.
«Жуда хурсандман. Кутиш жараёни узоқ давом этди, аммо ниҳоят бу ердаман. Бугун янги жамоадошларим билан машғулот ўтказдим, клубдаги барча инсонлар билан танишдим. Энди уларни аста-секин янада яхшироқ билиб олишни ва мавсумни ажойиб ўтказишни интиқлик билан кутяпман.
Шубҳасиз, бу мен учун катта фахр. Бу бой тарихга эга, Европадаги энг буюк клуб. Бугун шу ерда бўлиш — мен учун имтиёз, шараф ва энг аввало, фаолиятим давомида қилган барча меҳнатларим учун мукофот. Футбол ўйнашни бошлаган ҳар қандай бола учун бундай клубда тўп тепиш имкониятидан воз кечиш жуда қийин. Менга шундай имконият берилди ва менда ҳеч қандай иккиланиш бўлмади.
Томошабин сифатида «Бернабеу»даги барча сеҳрли кечаларни, жамоанинг қайтишларини ва Чемпионлар лигасида қўлга киритган барча совринларини кўрганман. Энди буларни ўз тажрибамда ҳис қилиш ва шу тарихнинг бир қисмига айланиш имкониятига эга бўлиш — жуда катта масъулият. Шу билан бирга, бу мен учун жуда ёқимли ва муҳим чақирув», — деди Кукуреля клуб телевидениесига берган интервюсида.
Мухлислар бу янгиликни Telegram’да муҳокама қилмоқда
Изоҳлар Telegram’да очилади