«Хоразм» клуби трансфер ойнасининг сўнгги кунида бирйўла учта трансферни эълон қилди.
Хусусан, жамоа бразилиялик ҳужумчи Рафаэл Тавареш, россиялик ҳимоячи Максим Ширяев ва маҳаллий яримҳимоячи Сардор Азимов билан шартнома имзолади.
Тавареш 26 ёшда бўлиб, Руминиянинг «Глория» клубидан «Хоразм» сафига келиб қўшилди. Ширяев эса бунга қадар «Нефтехимик»да ўйнаёганди. Азимов эса бир неча йиллардан бери «Андижон» шарафини ҳимоя қилиб келаётганди. Бир неча кун олдин «бургутлар» билан хайрлашганди.
