Мадриднинг «Реал» клуби сардори Федерико Валверде португалиялик янги жамоадоши Бернарду Силва ҳақида фикрлари билан ўртоқлашди.
Бернарду ёз аввалида «қаймоқранглилар» сафига «Манчестер Сити»дан келиб қўшилди. Футболчининг «шаҳарликлар» билан шартномаси муддати якунига етди ва ўйинчи ўзини бошқа жамоада синаб кўрмоқчилиги, шу сабабли янги битим имзоламаслигини маълум қилди.
Куни кеча хавбек Жозе Моуринио қўл остидаги илк ўйинини «Ференцварош»га қарши ўтказди.
«Бернарду – ажойиб футболчи. Майдонда у билан тўқнашиш доимо ёқимли эди, лекин қийналишимга тўғри келарди. У энди биз билан эканлигидан жуда ҳам хурсандмиз», – дея Валверде сўзларидан иқтибос келтиради Madrid Xtra.
Эслатиб ўатмиз, «Реал»нинг янги мавсумга тайёргарлик доирасидаги Венгриянинг «Ференцварош» клубига қарши ўйини 2:1 ҳисобида испанларнинг фойдасига ҳал бўлди. Силва бир бўлим ҳаракат қилган бўлса, 1 та голли узатма етказган Валверде 86-дақиқада захирага олинди.
