Германия миллий жамоаси УEФА Миллатлар лигаси-2026/27 мавсумининг 2-турида Грецияга 0:1 ҳисобида имкониятни бой берди. Жамоа бош мураббий Юрген Клопп қўл остида илк турда Нидерландия билан 1:1 ҳисобида дуранг ўйнаганди.
Шу тариқа, 59 ёшли мутахассис Германия миллий жамоаси бош мураббийлари тарихида дастлабки икки баҳсдаги натижа бўйича энг паст кўрсаткични қайд этди. Клопп бошқарувидаги жамоа икки баҳсда бир очко жамғарди.
Маълумот учун, бунгача Германия миллий жамоасини бошқарган Зеп Ҳербергер ва Ҳелмут Шен ҳам дастлабки икки баҳсида ғалаба қозона олмаган. Ҳербергер 1936 ва 1937 йилларда Италия ҳамда Нидерландия билан 2:2 ҳисобида дуранг ўйнаган. Шен эса 1964 йилда Швеция ва Италияга қарши баҳсларда 1:1 ҳисобидаги натижаларни қайд этган. Ҳар икки мураббий дастлабки икки баҳсдан икки очкодан жамғарган.
Эслатиб ўтамиз, Ҳербергер Германия миллий жамоасини 1936–1964 йилларда, Шен эса 1964–1978 йилларда бошқарган. Ҳар икки мутахассис жамоа билан жаҳон чемпионатида ғолиб чиққан.
