«Барселона» ҳимоячиси Алеҳандро Балде жамоанинг асосий таркибидаги ўрнини йўқотди. Бош мураббий Ҳанс-Дитер Флик испаниялик футболчини алмаштириб бўлмайдиган футболчи сифатида кўрмаяпти. Спорт директори Деку эса футболчининг маошини клуб харажатларидан чиқариш вариантларини изламоқда.
El Nacional хабарига кўра, «ПСЖ» 22 ёшли Балде трансферини кўриб чиқмоқда. Париж клуби футболчини қандай шартларда қўлга киритиш мумкинлигини аниқлаш учун музокараларга тайёргарлик кўрмоқда.
Манбада қайд этилишича, «ПСЖ» бош мураббийи Луис Энрике Балденинг тезлиги, бўш ҳудудларда ўйнаши ва катта масофаларни босиб ўтиш қобилиятини юқори баҳолайди. Испаниялик мутахассис ҳужумларда кенгликни таъминлай оладиган ҳимоячини изламоқда.
«Барселона» эса Балденинг ижара асосида кетишига рози бўлиши мумкин. Бунда шартномага футболчини кейинчалик сотиб олиш учун юқори миқдордаги опсия киритилиши мумкин.
