«Бавария» ҳужумчиси Ҳарри Кейн бу мавсум якунларига кўра «Олтин бутса» соҳиби бўлди.
Кейн Бундеслигада 31 ўйинда 36 та гол урди. Германия чемпионати коэффициенти (x2) ҳисобга олинганда, англиялик футболчи 72 очко билан рейтингда етакчилик қилмоқда.
2-ўринда «Манчестер Сити» ҳужумчиси Эрлинг Ҳоланд жойлашган, у 27 та гол (54 очко) муаллифи бўлган. 3-поғонани эса «Реал» форварди Килиан Мбаппе эгаллади — 25 та гол (50 очко).
Қайд этиш лозим, Ҳарри учун бу иккинчи «Олтин бутса» ҳисобланади. У аввал 2023/2024 йилги мавсумда ҳам ушбу мукофотни қўлга киритган ва ўшанда ҳам Бундеслигада 36 та гол урганди.
Аввалроқ Кейн «Бавария» тарихидаги энг яхши тўпурарлар рўйхатида 7-ўринга кўтарилгани маълум қилинганди.
