«Барселона» яримҳимоячиси Марк Касадо бир нечта клубларнинг таклифларини рад этди. Бу ҳақда Barca Universal нашри хабар берди.
Маълумотларга кўра, испаниялик 22 ёшли футболчи Саудия Арабистонининг «Ал Ҳилол» клубига ўтишни истамаган. Шунингдек, у Туркия чемпионати вакилларининг таклифини ҳам қабул қилмаган.
Агарда хавбек «Барселона»дан кетишга қарор қилса, фаолиятини Европанинг топ чемпионатларидан бирида давом эттиришни мақсад қилган.
«Кўк-анорранглилар» бош мураббийи Ҳанси Флик футболчига келаси мавсумда мунтазам ўйин амалиётига эга бўлиши қийин бўлишини маълум қилган. Шу сабабли ярим ҳимоячи август ойи охирига қадар ўз келажаги борасида қарор қабул қилиши керак бўлади.
