Журналист Фабрицио Романо «Барселона»нинг ҳужумчи харид қилиш режалари ҳақида фикр билдирди. Романонинг сўзларига кўра, каталонияликлар Хулиан Алварес бўйича «Атлетико» билан музокараларни давом эттирмоқда.
«Менимча, охир-оқибат «Барселона» Алварес билан шартнома имзолайди. Ҳозир улар Хулиан билан боғлиқ вазият қандай ривожланишини кутмоқда, аммо клубнинг нияти ҳужумчини сотиб олиш ҳисобланади.
Уни қўлга киритишга ҳаракат қилишлари аниқ. Келишувни амалга ошириш ёки оширмаслик эса «Барселона»дан кўра кўпроқ «Атлетико»га боғлиқ. Лекин икки клуб ўртасидаги музокаралар ҳамон давом этмоқда», — дея Романонинг сўзларини келтиради Goal портали.
Аввалроқ «Атлетико» «Барселона» устидан Алварес сабаб шикоят қилгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади