«Реал» ҳужумчиси Винисиус Жуниор яқин кунларда клубдаги келажагини ҳал қилувчи учрашувларни ўтказади.
АS нашри хабарига кўра, бразилиялик футболчи 2 август оқшомида Мадридга қайтади ва эртаси куни бош мураббий Жозе Моуринио бошчилигидаги машғулотларга қўшилади.
Аввало Винисиус Моуринио билан ўз келажаги ҳақида суҳбатлашади. Шундан сўнг у клуб раҳбарияти билан янги шартнома масаласини муҳокама қилади.
Манбага кўра, Винисиуснинг амалдаги шартномаси 11 ой ичида якунланади. «Реал» битимни узайтиришни истамоқда, бироқ футболчи томони талаб қилаётган молиявий шартларни қабул қилиш ниятида эмас. Агар томонлар келишувга эриша олмаса, Мадрид клуби футболчини сотиш вариантини ҳам истисно қилмаяпти.
Шунингдек, «Реал»га «Арсенал» томонидан расмий таклиф келиб тушмагани айтилмоқда. Винисиус вакиллари ҳам лондонликлар билан ҳеч қандай келишувга эришилганини рад этмоқда.
