Италия миллий жамоаси собиқ дарвозабони Жанлуижи Буффон Андреа Пирло атрофидаги вазият ҳақида фикр билдирди.
«Пирло ва Россия букмекер компанияси билан боғлиқ вазият — унга «муносиб эмас» деган тамға ёпиштиришга қаратилган ноқулай ва муваффақиятсиз сиёсий уриниш», — дея Буффоннинг сўзларини келтиради La Gazzetta dello Sport.
Пирлонинг номзоди Италияда кенг муҳокамаларга сабаб бўлди. Баҳсларга мутахассиснинг Россия букмекерлик компанияси билан тузган шартномаси сабаб экани маълум қилинганди.
Бир қатор италиялик депутатлар унинг тайинланишига қарши чиқиб, мутахассиснинг компания билан алоқаларини тўғри иш эмас деб ҳисоблашди. Сўнгра Андреа мамлакат миллий жамоаси бош мураббийлигига номзод эмаслигини маълум қилди.
