Нидерландия Суперкуби баҳсида ПСВ ва АЗ ўзаро тўқнаш келди. Эйндховен шаҳридаги «Филипс» стадионида бўлиб ўтган учрашувда АЗ рақибини 4:0 ҳисобида мағлуб этиб, мавсумнинг илк совринига эга чиқди.
Беллашувнинг 9-дақиқасида ПСВ яримҳимоячи Йоей Верман қизил карточка олиб, майдонни тарк этди. 25-дақиқада ҳужумчи Мекс Мердинк ҳисобни очди. Иккинчи бўлимда эса меҳмонлар устунлигини янада мустаҳкамлади: 51-дақиқада Уэсли Патати иккинчи голни урган бўлса, 59-дақиқада ҳимоячи Элайжа Дейкстра ҳисобни йирик кўринишга олиб келди. 66-дақиқада Дал пеналтини аниқ амалга ошириб, беллашувдаги якуний нуқтани қўйди — 4:0.
Маълумот учун, ўтган мавсумда ПСВ Нидерландия чемпионига айланган бўлса, АЗ мамлакат Кубоги соҳиби бўлди.
Нидерландия Суперкубоги
ПСВ – АЗ 0:4
Голлар: Мердинк 25, Патати 51, Дейстра 59, Дал 66 пеналти.
Мухлислар бу янгиликни Telegram’да муҳокама қилмоқда
Изоҳлар Telegram’да очилади