«Навбаҳор» клуба ўз уйига қайтишини йирик ҳисобдаги ғалаба билан нишонлади. 15-турда Наманганда «Хоразм» жамоасига қарши бўлиб ўтган беллашувда майдон эгалари 5:1 ҳисобида ғалаба қозониб, мухлисларни қувонтира олди. «Навбаҳор» устози Темур Кападзе матбуот анжуманида иштирок этди.
- Биринчи навбатда бутун жамоани, Наманган аҳлини чиройли ғалаба билан табриклайман. Уйда ўйнашни узоқ кутдик. Кўрганингиздек, бошқача муҳит, бошқача қўллаб-қувватлов, бунақа жойда, мухлислар олдида ўйнаш ёқимли. Яхши тайёргарлик кўрдик, чиройли ўйин ва ғалаба билан мухлисларни хурсанд қилдик. Ўзимизни ҳам тайёргарлик бўйича режаларимиз ўхшади. Кейинги учрашувга тайёргарлик кўрамиз.
- Жаҳон чемпионатидан олдин «Навбаҳор» бошқача эди. Жаҳон чемпионатидан кейин жамоа мазмунлироқ ўйин кўрсатяпти. Йигитлар бугун ҳам 90 дақиқа югуришди. Мундиалдан кейин жамоа 4 та ўйин ўтказди ва барчасида гол ўтказяпти...
- Ишланяпти, албатта хатолар устида таҳлил қиляпмиз. Йигитларга тушунтиряпмиз. Ҳимоячилар ҳам дадилроқ ўйнашлари керак. Барибир олдини қарасак, бошланиши бошқа жойдан бошланади. Бўлиб туради. Биринчи таймда рақибга кўпроқ имконият бердик. Янада яхшироқ ўйнашимиз керак эди. Бунинг устида ишлаяпмиз, ўйлайманки, яхши бўлиши керак», - дея бош мураббийнинг сўзларини келтиради Tribuna.uz мухбири.
Темур Кападзе: «Тайёргарлик бўйича режаларимиз ўхшади»
Эксклюзив
2 август, 15:26
«Навбаҳор» устози «Хоразм»га қарши баҳсдан сўнг ўз фикрларини билдирди.
Фото: Getty Images
