«Ювентус» ҳимоячиси Пер Калулу Англия Премер-лигасининг уч клуби эътиборига тушди. Бу ҳақда CaughtOffside хабар берди.
Манбага кўра, франциялик футболчига «Ливерпул», «Манчестер Юнайтед» ва «Астон Вилла» қизиқиш билдирмоқда. Бироқ туринликлар ҳимоячини сотишни истамаяпти ва уни жамоанинг муҳим бўлаги деб ҳисоблайди.
Қайд этилишича, «Ювентус» футболчига 2030 йилгача мўлжалланган янги шартнома таклиф қилишни режалаштирмоқда. Шунга қарамай, тахминан 40 миллион евролик таклиф клуб позициясини ўзгартириши мумкин, айниқса футболчи янги битимни рад этса.
Шунингдек, «Астон Вилла» молиявий чекловлар сабаб трансферда қийинчиликларга дуч келиши мумкин.
Маълумот учун, Калулу ушбу мавсум 46 та баҳсда майдонга тушиб, 2 та гол ва 7 та ассист қайд этган.
