«Хетафе» ўз тарихида илк бор дарвоза томон аниқ зарба бермасдан ғалаба қозонди.
Мадрид клуби Ла Лига 33-тур доирасида «Реал Сосиедад»ни 1:0 ҳисобида мағлуб этди ва бу ўйинда бирорта ҳам аниқ зарба йўллай олмади.
Меҳмонлар 29-дақиқада Жон Горрочатегининг автоголи эвазига 3 очкони қўлга киритди. Умуман олганда, «Хетафе» беллашувда 5 та зарба берди, аммо улардан бирортаси дарвоза томон тўғри бормади. Майдон эгаларининг эса 13 зарбасидан тўрттаси рақиб дарвозасига аниқ борган.
Шу тариқа, «Хетафе» ўз тарихида илк бор Ла Лига ўйинини бирорта аниқ зарбасиз зафар қучди. Жамоа ҳисобида жами 792 та ўйинда 252 та ғалаба мавжуд.
Аввалроқ жамоа «Реал»га гол урган Сатрианони тўлиқ сотиб олгани маълум қилинганди.
