Германия миллий жамоаси янги бош мураббийи Юрген Клопп жамоада қандай тактикадан фойдаланишни режалаштираётгани ҳақида гапирди. Куни кеча Германия футбол иттифоқи тажрибали мутахассис билан шартнома имзолаганини эълон қилди.
«Жаҳон чемпионатидан чиқарган хулосам шу бўлдики, тўрт нафар ҳимоячи билан ўйнаш ғалаба келтирмоқда ва биз худди шундай қиламиз. Биз шунингдек, қанотлардан фаол тарзда фойдаланамиз, бу борада фикрим қатъий. Миллий жамоада шундай муҳитни яратишни истардимки, одамлар ўйиндан сўнг уйига қайтиб, бир хил муносабатда бўлсин: «Вау!» — деди Клопп матбуот анжуманида.
Маълумот учун, Германия миллий жамоасида Юрген Клопп ҳамюрти Юлиан Нагелсманнинг ўрнини эгаллади.
Эслатиб ўтамиз, Германия миллий жамоаси ЖЧ-2026даги иштирокини 1/16 финал босқичида якунлади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади