«Барселона» бош мураббийи Ҳанс-Дитер Флик «Эспанёл»га қарши ўйин (4:1)дан сўнг ўз фикрларини билдириб ўтди.
«Биринчи бўлимда устунлик қилдик ва ҳисобни 2:0 қилиш имкониятига эга бўлдик. Алмаштиришлар қилишимиз мумкин эди ва улар амалга оширилди, де Йонг ҳамда Олмо ўйин охирида майдонга тушди.
Ферран учун хурсандман, у машғулотларда яхши ҳаракат қилмоқда. Барча ҳужумчиларга голлар керак. Ўйлайманки, Жерар Мартин (у танаффусда ноқулайлик ҳис қилгани учун алмаштирилди) Чемпионлар Лигасида ҳам ўйнай олади.
Биз стандарт вазиятлардан кўп гол урамиз. Жамоамиз футболчилари баланд бўйли бўлмаслиги мумкин, аммо бу позицияни тўғри танлаш ва тўпни керакли ҳудудга узатиш билан боғлиқ.
Иккинчи бўлимда назорат камайди? Олмо бизга ёрдам берди, худди Френки каби, аммо унинг узоқ давом этган жароҳати туфайли эҳтиёткор бўлишимиз керак эди», — деди Флик.
