Фердинанд: «Шкафимга яна битта АПЛ олтини қўшилади. Жозега ҳам, Сулшерга ҳам»

«Манчестер Юнайтед»нинг собиқ ҳимоячиси Рио Фердинанд «Манчестер Сити»нинг молиявий қоидабузарликлари бўйича иш юзасидан чиқарилган дастлабки қарорга муносабат билдирди.

25 сентябр куни «шаҳарликлар» АПЛнинг молиявий қоидаларини бузиш билан боғлиқ деярли барча айбловлар бўйича айбдор деб топилгани маълум қилинди — 115 та айбловдан фақат биттаси мустасно.

Эслатиб ўтамиз, 2023 йил феврал ойида АПЛ «Манчестер Сити»ни 2009 йилдан 2018 йилгача бўлган даврда молиявий қоидаларни 115 марта бузганликда айблаганди. Кейинчалик The Times газетаси гап 115 та эмас, балки 130 та қоидабузарлик ҳақида кетаётганини хабар қилди. Сабаби, Премер-лига айбловларни эълон қилган пайтда айрим қоидалар бўйича тушунмовчилик юзага келганди.

«Премер-лиганинг яна бир медали шкафга қўшилади 👀», — деб ёзди Фердинанд.

«Ва Жозе Моуринио учун ҳам яна битта. Оле-Гуннар Сулшер учун ҳам», — деб қўшимча қилди «қизил иблислар»нинг собиқ футболчиси.

«Жиддий айтяпман. Райан Гиггз Премер-лиганинг 14 та чемпионлик унвонига эга бўлиши кера. Қани, АПЛ», — деб кейинроқ ёзди Фердинанд 13 та чемпионлик унвонига эга бўлган уэлслик футболчи ҳақида.

Шунингдек, у Премер-лиганинг 7 та олтин медали тасвирланган суратни ҳам эълон қилди. Рио 6 марта Англия чемпиони бўлган.