Зидан Франция бош мураббийлигидаги дебютидан сўнг ўз фикрларини билдирди

Зинедин Зидан Франция миллий жамоаси бош мураббийи сифатидаги дебюти ҳақида фикр билдирди.

54 ёшли мутахассис бошчилигидаги жамоа Миллатлар лигаси гуруҳ босқичининг 1-турида Туркияни 1:0 ҳисобида мағлуб этди.

«Жуда кўп ҳиссиётлар. Муваффақиятли дебют бўлди. Бундай атмосфера ҳукм сурадиган Туркияда ўйнаш осон эмас.

Яхши ўйнадик, рақиб майдонида прессинг қилдик. Жамоа билан атиги 3,5 та машғулот ўтказган бўлсак-да, кўплаб жиҳатларни кўрдим. Бу мени руҳлантиради. Футболчиларнинг қандай ўйнаганидан мамнунман. Уларнинг майдондаги ҳаракатларини кўриш ёқимли бўлди.

Бундай лаҳзалар доимо ҳаяжонли бўлади. Менда сўз йўқ. Франция миллий жамоаси сафида сўнгги бор ўйнаганимга анча вақт бўлди. Ҳозир қандайдир ўзгача воқеа юз бермоқда. Биз бу лаҳзадан завқланяпмиз», — дея Зиданнинг сўзларини келтиради L'Equipe.