Live
2
Ўзбек

Фабрегас «Барселона»да Фликнинг ўрнини эгаллаши мумкин

Футбол
17 ноябр, 06:20
Испаниялик мутахассис немис мураббийи кетган тақдирда унинг ўрнига асосий номзод сифатида кўрилмоқда.
Фабрегас «Барселона»да Фликнинг ўрнини эгаллаши мумкин
Foto: Getty Images

Испания миллий жамоаси ва Лондоннинг «Арсенал» клуби собиқ футболчиси, айни пайтда Италиянинг «Комо» жамоаси бош мураббийи Сеск Фабрегас «Барселона»ни бошқариши мумкин. Тhe Touchline хабарига кўра, Ҳанс-Дитер Флик каталонияликлар сафини тарк этса, испаниялик мутахассис унинг ўрнини эгаллаш учун асосий номзод ҳисобланади.

Манбада қайд этилишича, Фабрегас немис мураббийининг эҳтимолий вориси сифатида кўрилмоқда. Ҳозирча «Барселона» раҳбариятининг бу борадаги расмий қарори ҳақида маълумот берилмаган.

Маълумот учун, Сеск Фабрегас 2024 йил ёзидан буён «Комо» бош мураббийи сифатида фаолият юритмоқда. Унинг Италия клуби билан амалдаги шартномаси 2028 йил июн ойи охиригача мўлжалланган.

Тегишли жамоалар ва лигалар

  • Барселона Барселона
Бугунги янгиликлар