«Реал» ҳужумчиси Эндрик бош мураббий Жозе Моуринионинг ҳужумчилар рўйхатида ҳозирча тўртинчи ўринда турибди.
The Touchline нашри бразилиялик манбаларга таяниб хабар беришича, 20 ёшли футболчидан олдинда Килиан Мбаппе, Винисиус Жуниор ва жамоанинг янги аъзоси Карлос Эспи жойлашган.
Манбага кўра, Родри жароҳатдан қайтгач ва «Реал» Ян Диомандени ҳам ўз сафига қўшса, Эндрикнинг навбати олтинчигача тушиб кетиши мумкин.
Шу сабабли бразилиялик ҳужумчининг яна ижара асосида бошқа клубга йўл олиши эҳтимоли юқори баҳоланмоқда. Эҳтимолий вариантлардан бири — ўтган мавсумнинг иккинчи қисмини ўтказган «Лион» клубидир.
Маълумот учун, аввалроқ Эндрик Жозе Моуринионинг ишончини қозониш ва «Реал»да ўз ўрнини сақлаб қолишга қатъий қарор қилгани ҳақида хабарлар тарқалган эди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади