«Милан» бош мураббийи Рубен Аморим трансфер миш-мишлари марказида бўлиб турган Рафаел Леаунинг ҳолатига изоҳ берди.
Goal нашрига берган интервюсида португалиялик мутахассис жамоадаги барча футболчилар машғулотларда юқори савияда ишлаётганини таъкидлади.
«Барча футболчилар жуда яхши ишлаяпти. Ҳам йиғиннинг илк кунидан қатнашаётганлар, ҳам кейинроқ қўшилганлар. Леау «Милан» каби клубда ўйнаётганидан бахтиёр бўлиши керак. Мен унинг бахтли ва мотивацияга тўла эканини ҳис қиляпман.
Трансфер ойнаси ёпилгунига қадар нима бўлишини билмайман, аммо жамоамиз жуда аҳил эканини кўряпман», — деди Аморим.
Сўнгги ҳафталарда Рафаел Леау бир қатор Европа грандлари билан боғланаётганига қарамай, мураббий футболчининг кайфияти ва жамоага муносабати ижобий эканини қайд этди.
Маълумот учун, Тransfermarkt Рафаел Леаунинг бозор қийматини 50 миллион еврога баҳолайди. Унинг «Милан» билан амалдаги шартномаси 2028 йилнинг ёзига қадар амал қилади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади