«Милан» ва «Фенербаҳче» футболчи Рафаэл Леаунинг трансфери бўйича келишувга эриша олмади. Бу ҳақда журналист Яғиз Сабунжуоглу хабар берди.
27 ёшли футболчи йилига 12 миллион евро маош талаб қилган ва бу сумма туркияликлар талабига мос келган. Бироқ «россонери» билан музокараларда келишмовчилик юзага келган ва «Милан»нинг 60 миллион евро талаб қилиши Истанбул клубини мутлақо қониқтирмаган.
Италия гранди вакиллари талабни 50 миллион еврогача туширишга тайёрлигини билдиришди, аммо бу сумма ҳам «Фенербаҳче» учун юқори бўлиб чиқди. Туркия вице-чемпиони Леау учун 40 миллион еврогача тўлашга рози эканини маълум қилган.
Аввалроқ «Галатасарой» Леау бўйича расмий таклиф билан чиққани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади