Португалиялик афсонавий футболчи Криштиану Роналду ва унинг севгилиси Жоржина Родригес тўйга тайёргарлик кўрмоқда.
Журналист Эсегбона Луиснинг хабар беришича, Роналдунинг тўйига таклиф этилганлар орасида Лионел Месси ва Неймар ҳам бор.
Аввалроқ Роналду тўйига Ҳабиб Нурмагомедов ва Конор Макгрегор ҳам таклифнома олгани маълум қилинганди. Уларнинг иккаласи ҳам Криштиану билан яхши муносабатда экани таъкидланган.
Маълумот ўрнида, Криштиану Роналду ва Жоржина Родригес деярли 10 йил олдин муносабатларни бошлаган. Жоржина Криштианунинг икки нафар фарзандига она ҳисобланади. Умуман олганда, юлдузли жуфтлик беш нафар фарзандни тарбияламоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади