«Барселона» ҳужумчиси Ферран Торрес унга «ПСЖ» томонидан билдирилаётган қизиқиш ҳақидаги саволга жавоб берди.
«Албатта, «ПСЖ» каби клубнинг қизиқиши — ҳар доим яхши белги. Лекин менинг «Барселона» билан шартномам бор.
Жамоа мени сақлаб қолишни хоҳлаётганини кўрсатиши керак. Агар клуб буни зарур деб ҳисобласа, ҳар доим музокараларни бошлаши мумкин. Ҳамма нарса бўйича келишиш мумкин», — дея Торреснинг сўзларини келтиради Barca Universal.
Қайд этиш лозим, испаниялик футболчининг Париж клубига эҳтимолий трансфери ҳақидаги гап-сўзлар тобора кучаймоқда. 26 ёшли футболчининг «кўк-анорранглилар» билан шартномаси келаси йилда якунига етади, аммо ҳозирча томонлар шартномани узайтириш бўйича келишувдан анча узоқ.
Аввалроқ «Барселона» Торресни 55 миллион еврога баҳолагани маълум қилинганди.
