«Barselona» hujumchisi Ferran Torres unga «PSG» tomonidan bildirilayotgan qiziqish haqidagi savolga javob berdi.
«Albatta, «PSG» kabi klubning qiziqishi — har doim yaxshi belgi. Lekin mening «Barselona» bilan shartnomam bor.
Jamoa meni saqlab qolishni xohlayotganini ko'rsatishi kerak. Agar klub buni zarur deb hisoblasa, har doim muzokaralarni boshlashi mumkin. Hamma narsa bo'yicha kelishish mumkin», — deya Torresning so'zlarini keltiradi Barca Universal.
Qayd etish lozim, ispaniyalik futbolchining Parij klubiga ehtimoliy transferi haqidagi gap-so'zlar tobora kuchaymoqda. 26 yoshli futbolchining «ko'k-anorranglilar» bilan shartnomasi kelasi yilda yakuniga yetadi, ammo hozircha tomonlar shartnomani uzaytirish bo'yicha kelishuvdan ancha uzoq.
Avvalroq «Barselona» Torresni 55 million yevroga baholagani ma'lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi