«Динамо» яримҳимоячиси Жаҳонгир Абдусаломов мавсум якунига қадар жамоага ёрдам бера олмайди. Бу ҳақда клуб матбуот хизмати хабар берди.
Клуб тиббий бўлимининг маълум қилишича, 27 ёшли футболчи Зоминда ўтган «Сўғдиёна» - «Динамо» (1:3) учрашувидан кейин кичик жароҳат сабабли жарроҳлик амалиётини ўтказган.
Шу сабабли Абдусаломов қарийб бир ойга сафдан чиққан. Бу эса жамоанинг етакчи яримҳимоячиларидан бири Суперлига доирасидаги сўнгги уч ўйин – «Бунёдкор», «Нефтчи» ва «Сурхон»га қарши баҳсда «Динамо»га ёрдам бера олмаслигини билдиради.
Эслатиб ўтамиз, Вадим Абрамов жамоаси Суперлига 28-турида ўз майдонида «Бунёдкор»га қарши беллашади. Ҳозирда самарқандликлар турнир жадвалида 9-ўринда бормоқда.