«Интер» ҳимоячиси Федерико Димарко Италия чемпионатининг 33-тур доирасидаги «Каляри»га қарши ўйин (3:0)да ассист амалга оширди.
Шу тариқа, италиялик футболчи А Серия бир мавсумида гол+пас тизими бўйича 21 (6 гол + 15 ассист) очко тўплаган илк ҳимоячига айланди. Бу каби статистика 2004/2005 йилги мавсумдан буён ҳисобланмоқда.
Айни вақтда Кристиан Киву шогирдлари очколари сонини 78 тага етказиб, чемпионлик сари дадил одимламоқда. Мағлуб бўлган «Каляри» эса 33 очко билан 16-поғонадани банд этиб турибди.
