«Интер Майами»нинг эгаси Дэвид Бекҳэм «ПСЖ»нинг Чемпионлар Лигаси финалга чиққанига муносабат билдирди.
«Мен «ПСЖ» президенти билан гаплашгандим, у биринчи йил Луис Энрике деярли ҳар кеча машғулот базасида ухлаб, ўзи жамоани қандай кўринишда бўлишини исташи, унинг қандай ўйнаши, кимлар таркибда бўлишини режалаштирганини айтди. Шунингдек, у умрида ҳеч қачон бундай муносабатни кўрмаганини таъкидлаганди», — деди Бекхэм CBS Sports эфирида.
Эслатиб ўтамиз, УЕФА Чемпионлар Лигаси 2025/2026-йилги мавсуми яримфиналида «ПСЖ» икки ўйин натижасига кўра «Бавария»ни (5:4, 1:1) енгди, «Арсенал» эса «Атлетико»ни таслим этди (1:1, 1:0).
Маълумот учун, Чемпионлар Лигаси финалида «ПСЖ» «Арсенал» билан учрашади. Баҳс 30 май куни Венгриянинг Будапешт шаҳридаги «Пушкаш Арена» стадионида бўлиб ўтади.
