«Навбаҳор» Туркияда «Башакшеҳир» ва Озарбойжон вице-чемпионига қарши ўйнайди

Туркияда ўқув-машғулот йиғини олиб бораётган «Навбаҳор»нинг ўртоқлик баҳсларидаги рақиблари маълум бўлди.

Клуб матбуот хизмати ёзишича, Темур Кападзе шогирдлари эртага, 27 июн куни Озарбайжоннинг «Зира», 2 июл куни эса Туркиянинг «Башакшеҳир» (Истанбул) жамоаларига қарши майдонга тушишади.

Маълумот учун, «Зира» 3 карра Озарбойжон вице-чемпиони саналади, шу жумладан, ўтган мавсумда ҳам кумуш медални қўлга киритган. Ўзбекистонлик футболчилар Аббос Файзуллаев ва Элдор Шомуродов тўп тепадиган «Башакшеҳир» эса бир бор Туркия чемпионлиги (2020 йил), икки марта вице-чемпионлигини қўлга киритган.