«Бавария» президенти Ҳерберт Ҳайнер Бундеслига клубларини чемпионатни хорижда тарғиб қилиш учун етарлича ҳаракат қилмаётгани, хусусан, хорижий сафарлар ташкил этиш борасидаги фаоллик етишмаётгани учун танқид қилди.
«Глобаллашув — бу биргина клуб ёлғиз ўзи эриша оладиган нарса эмас. Бу Бундеслига сифатида барчамиз биргаликда ишлашимиз керак бўлган вазифа. Лиганинг ўзи ҳам анча фаолроқ рол ўйнаши керак.
«Бавария» бу юкни ёлғиз ўзи кўтаришини кутиш мумкин эмас. Бизга бутун Бундеслига томонидан анча жиддийроқ қўллаб-қувватлаш керак — бир-иккита клуб эмас, балки бутун лига миқёсида», — дея Ҳайнернинг сўзларини келтиради Bayern & Germany.
Қайд этиш лозим, «Бавария»дан ташқари мавсум якунидан сўнг «Лейпциг» (Жанубий Африка) ва Дортмунднинг «Боруссия» клуби (Япония) ҳам хорижий турнеларга йўл олди.
Аввалроқ мюнхенликлар ўртоқлик ўйинида «Астон Вилла»ни мағлуб этгани маълум қилинганди.
