«Трабзонспор» «Ливерпул»нинг яна бир собиқ футболчисини ўз сафига қўшиб олиши мумкин. Бу ҳақда iNews хабар берди.
Туркия клуби эътиборини Дарвин Нунесга қаратган. Ҳозирда трабзонликлар Саудиянинг «Ал Ҳилол» клуби режаларига кирмаётган ҳужумчини ўз сафига қўшиб олиш имкониятини ўрганмоқда.
«Трабзонспор»да Дарвин Нунес яқин ўтмишда «Ливерпул»да бирга тўп тепган Муҳаммад Салоҳ билан яна бир жамоада ўйнаши мумкин. Мисрлик футболчининг туркияликлар сафига ўтиши аввалроқ расман эълон қилинганди.
Шунингдек, Нунесга даъвогарлар орасида «Тоттенҳэм» ҳам тилга олинмоқда. 27 ёшли футболчининг Transfermarkt порталидаги нархи эса ҳозирда 20 миллион еврони ташкил этади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади