«Барселона» ва «ПСЖ» жамоалари ҳужумчи Ферран Торреснинг трансферини муҳокама қилишади. Бу ҳақда Diario Sport хабар берди.
Манбага кўра, испаниялик футболчи Каталония клубини тарк этиб, Лига 1 га ўтиш ниятида эканини билдирган.
Аввалроқ парижликлар испаниялик футболчи билан шахсий шартнома шартларини келишиб олишгани хабар қилинган эди.
Қайд этилишича, «Барселона» Торреснинг трансфери учун «ПСЖ»дан камида 65 миллион евро талаб қилади.
«ПСЖ» бундай суммани тўлашни хаёлига ҳам келтирмаяпти, аммо вазият кескинлашмаслиги ва музокараларни бошлаш учун салмоқли таклиф бериш кераклигини англамоқда. Чунки Ферраннинг клуб билан битими келаси йилда якунига етади. Шу сабабли «ПСЖ» уни арзонроқ нархга ўз сафига қўшиб олишни истамоқда.
Ҳозирда Ферраннинг бозор қиймати 55 миллион еврони ташкил этади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади