«Барселона» раҳбарияти «Атлетико» ҳужумчиси Хулиан Алваресдан трансферни тезлаштириши мумкин бўлган навбатдаги қадамни кутмоқда.
Sport.es хабарига кўра, Каталония клуби аргентиналик футболчи Мадрид жамоасини тарк этиш истагини яна бир бор очиқ намойиш этишига умид қилмоқда.
Эслатиб ўтамиз, Алварес 2026 йилги Жаҳон чемпионати вақтида омма олдида «Атлетико»ни тарк этишни исташини маълум қилганди.
Манбага кўра, «Барселона» футболчининг ўзи яна бир қадам ташламагунча янги таклиф билан чиқмоқчи эмас. Шу боис клуб Алварес яқин кунларда бу борада фаол ҳаракат қилишини кутмоқда.
Маълумот учун, аввалроқ «Барселона» Хулиан Алварес трансфери учун «Атлетико»га 100 миллион евро таклиф қилгани ҳақида хабарлар тарқалган эди.
