«Барселона» Жюл Кундега «Челси» томонидан қизиқиш билдирилгач унга 80 миллион евро нарх белгилади. Бу ҳақда El Nacional хабар берди.
«Кўклар» Мало Гюстонинг «Манчестер Сити»га трансфери якунланган тақдирда, Кунде трансферини жиддий кўриб чиқишга тайёр. «Кўк-анорранглилар» эса бу ёзда Жюлнинг 80 миллион евродан камроқ суммага кетишига йўл қўймоқчи эмас.
Маълумот ўрнида, франциялик футболчининг каталонияликлар билан шартномаси 2030 йил ёзигача амал қилади. Transfermarkt айни вақтда ҳимоячининг нархини 60 миллион евро деб баҳоламоқда.
Аввалроқ «Ливерпул» Кунде учун 80 миллион евро таклиф қилишга тайёр экани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади