Marca нашрининг хабарига кўра, каталонияликлар Хорватия миллий жамоаси асосий посбони Доминик Ливакович билан шартнома имзолашга яқин турибди. Туркиянинг «Фенербаҳче» клуби билан музокаралар анча ижобий руҳда кечмоқда, лекин ҳали якуний келишувга эришилганича йўқ.
Манбанинг маълумотларига кўра, испанлар 1 сентябргача трансферни расмийлаштириб, Ливаковични бир йилга асосий таркибда тўп тепадиган бирор жамоага ижарага бериб юбормоқчи. 2026/2027-йилги мавсумда «Барселона»нинг икки посбони сифатида Жоан Гарсия ва Войцех Шенсни қолаверади.
Хорватиялик дарвозабон жамоа таркибига кейинги йил ёзда келиб қўшилади. Айнан ўшанда полшалик Войцех Шенснининг шартномаси якунига етади ва хорватиялик асосий голкипер Жоан Гарсиянинг ўринбосарига айланади.
Таъкидланишича, Ливаковичнинг трансфери каталонияликларга 3 - 5 млн еврога тушади.
