Мадриднинг «Атлетико» клуби ўн йилдан бери Чемпионлар лигаси финалига чиқа олмаяпти.
Диего Симеоне бошчилигидаги жамоа яримфиналнинг жавоб учрашувида меҳмонда «Арсенал»га имкониятни бой берди.
«Матрасчилар» сўнгги бор 2016 йилда турнирнинг финалида иштирок этган ва «Реал»га ютқазганди. 2014 йилда ҳам «Атлетико» ҳамшаҳарига ЕЧЛ финалида йирик ҳисобда мағлуб бўлганди (1:4).
Шунингдек, «Атлетико» 1974 йилги Европа чемпионлари кубоги финалида ҳам «Бавария»га (0:4) имкониятни бой берган. Жамоа ушбу турнирда бирор марта ҳам муваффақият қозонмаган.
Аргентиналик мутахассис эса 2011 йилдан бери жамоани бошқариб келмоқда.
