Португалия миллий жамоаси ҳужумчиси ва сардори Криштиану Роналдунинг мухлислари ижтимоий тармоқларда жамоанинг айрим футболчилари, хусусан, Бруну Фернандеш ва Жоау Невешнинг ЖЧ-2026 гуруҳ босқичининг 1-турида Конго ДРга қарши ўйиндаги (1:1) ҳаракатларини кескин танқид қилишди.
41 ёшли форвард мухлислари жамоанинг қолган аъзолари ўз етакчилари учун етарлича ҳаракат қилишмаётганидан норози.
Жумладан, Бруну Фернандешнинг саҳифасидаги пост остида мана бундай изоҳларни учратиш мумкин:
«Тўпни Роналдуга оширишдан қўрқяпсанми?»;
«У Криштианунинг асосий душмани...»;
«Сен ақлдан оздингми? Нималар бўляпти?! Тўпни ҳужумчига ошир»;
Жоао Невешнинг саҳифаси ҳам мухлислар эътиборидан четда қолмади:
«Ҳурмат қилмайсанми? Роналду — сизларнинг устозингиз ҳисобланади»;
«Аргентина Месси учун ўйнаяпти. Ғалаба қозонишни истасанг, Роналду учун ўйна, йигитча».
Мухлислар ҳаттоки Жоао Невешнинг қиз ўртоғини ҳам тинч қўйишмади ва унинг интаграмдаги саҳифасига минглаб «изоҳлар ёғдиришди».
