«Арсенал» клуби бош мураббийи Микел Артета «Боруссия Д»га (2:3) қарши баҳсдан сўнг ўз фикрларини билдирди.
«Мағлуб бўлдик, бу, албатта, хурсанд қилмайди. Вазиятни яхшилашимиз кераклиги аниқ. Айрим футболчиларга кўпроқ ўйин дақиқалари ва ритм керак. Бу улар учун жуда фойдали бўлади.
Гарчи расмий ўйин бўлмаса-да, мағлубият оғриқли бўлиши керак. Аммо қаерда эканимизни биламиз. Ҳали кўплаб футболчиларимиз сафга қайтмаганини, айримлари эса етарлича машғулот ўтказмаганини тушунамиз. Шунинг учун баъзан мағлуб бўлиш ҳам фойдали.
Бир неча кун олдин ёмон голлар ўтказиб юборгандик, бугун ҳам шундай бўлди. Айниқса, курашлардан кейинги вазиятларда хатоларга йўл қўйдик. Аммо бу жамоавий жавобгарлик. Шунинг учун қўлимиздаги футболчилар билан биргаликда ўсишимиз ва камчиликларни бартараф этишимиз керак. Биз яхшиланишни хоҳлаймиз ва албатта бунга эришамиз», — дея Артетанинг сўзларидан келтиради Sky Sports нашри.
