«Арсенал» бош мураббийи Микел Артета Чемпионлар лигаси яримфиналининг жавоб ўйинида «Атлетико»га қарши баҳсдан сўнг ўз фикрларини билдирди.
«Барчадан фахрланаман ва хурсандман. Биз буни узоқ кутдик, ўз мухлисларимиз кўз ўнгида бунга эришганимиздан жуда хурсандман. Бугун мухлислар биз билан фахрланишади.
«Атлетико» – жуда жанговор жамоа, у кўплаб шундай ўйинларни ўтказган ва тажрибага эга. Гол туфайли биз яхши ҳолатга чиқиб олдик, аммо шундан сўнг устунликни сақлаб қолиш ва сабр қилишимизга тўғри келди.
Симеоне билан яхши танишмиз. Муваффақиятга шунчалик яқин келганингда-ю, лекин уни сендан тортиб олишса, ҳар қандай одамга оғир ботади. Унга ҳамдардман, чунки бу қандай эканлигини биламан. Бир йил олдин мен ҳам унинг ўрнида бўлганман», – дея Артетанинг сўзларини келтиради Marca.
