«Арсенал» яриҳимоячиси ва жамоа сардори Мартин Эдегор яқин вақт ичида клуб билан шартномасини узайтириши мумкин. Бу ҳақда TEAMtalk хабар берди.
Манбага кўра, «тўпчилар» бош мураббий Микел Артета билан янги шартнома борасида келишувга эришганидан сўнг, бор эътиборни Эдегор билан шартномани узайтириш масаласига эътибор қаратган.
Ўз навбатидаги норвегиялик 27 ёшли футболчининг ўзи ҳам «Арсенал»да узоқ муддат қолишга тайёр. Томонлар янги келишувга жуда яқин турибди. Агар келишув юзага келса, Эдегорнинг маоши ҳам оширилади.
Маълумот учун, Мартин 2021 йилдан буён Лондон клуби шарафини ҳимоя қилиб келмоқда. Бу мавсумда барча турнирлар доирасида 6 та учрашувда майдонга тушиб, 4 та гол урган.
Эдегорнинг Лондон клуби билан амалдаги шартномаси 2028 йил ўрталаригача мўлжалланган.
Аввалроқ жамоа яримҳимоячи Деклан Райс билан ҳам келишувни узайтиришни режалаштираётгани хабар қилинганди.
