Мадриднинг «Атлетико» ва Туриннинг «Ювентус» клублари «Арсенал» вингери Нони Мадуэкени сотиб олиш имконияти билан ижарага олиш вариантларини кўриб чиқмоқда. Бу ҳақда Caught Offside хабар берди.
Манба маълумотларига кўра, 24 ёшли вингер ушбу мавсумда кам ўйин вақтига эга бўлгани сабабли Лондон клубини тарк этиши мумкин. Айни пайтда «Атлетико» ва «Ювентус» инглиз футболчиси бўйича аниқ музокаралар олиб бормаган ва вазиятни кузатиб турибди.
Маълумот учун, янги мавсумда Мадуэке барча мусобақаларда бешта ўйинда қатнашиб, 1 та гол урди. Футболчининг клуб билан амалдаги меҳнат шартномаси 2030 йилнинг ёзигача мўлжалланган.
Transfermarkt портали англиялик футболчининг актуал трансфер қийматини 50 миллион еврога баҳоламоқда.
