Италия Суперкубоги учун «Интер» ва «Лацио» ўртасидаги учрашув 22 декабр куни бўлиб ўтади. Бу ҳақда журналист Альфредо Педулла хабар берди.
А Серия Лигаси кенгаши мусобақа регламентини тасдиқлаган. Унга кўра, Суперкубок амалдаги Италия чемпионининг уй стадионида ўтказилиши керак. Шу тариқа, «Интер» ва «Лацио» ўртасидаги баҳс Миландаги «Сан-Сиро» стадионида бўлиб ўтади.
Маълумот учун, «Интер» ўтган мавсумда Италия чемпиони бўлиш билан бирга, мамлакат Кубогида ҳам ғолиб чиққан. «Лацио» эса сўнгги Кубок мусобақасида финалга қадар етиб борган.
Шунингдек, Италия Суперкубоги уч йилдан сўнг илк бор бир ўйинлик форматда ўтказилади. Сўнгги уч мавсумда соврин учун тўртта жамоа иштирокидаги формат қўлланилган эди.
Эслатиб ўтамиз, «Наполи» ўтган мавсум ўз тарихида 3-бор Италия Суперкубогида ғалаба қозонганди.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади