Англия миллий жамоаси ва «Бавария» ҳужумчиси Ҳарри Кейн фаолиятида илк бор «Олтин тўп»ни қўлга киритиш имконияти ҳақида фикр билдирди.
«Ҳозир бу совринни қўлга киритиш учун энг яхши имкониятга эгаман. Ўтган йил шахсий жиҳатдан ҳам, жамоа нуқтаи назаридан ҳам фаолиятимдаги энг яхши давр бўлди. Бу совринни қўлга киритсам, ниҳоятда фахрланган бўлардим. Ўтган йили ўзим фахрланадиган кўп ишларга эришдим. Энди барчаси бошқаларнинг фикри ва қарорларига боғлиқ», — дея Кейннинг сўзларидан келтиради Bild нашри.
Маълумот учун, Кейн 2023 йил ёзида «Тоттенҳэм»дан «Бавария»га кўчиб ўтган эди. Футболчининг клуб билан амалдаги битими 2027 йилнинг ёзига қадар мўлжалланган. Унинг Бундеслигадаги голлари сони 100тадан ошди.
Аввалроқ «Бавария» Кейн билан амалдаги келишувни 2030 йилга қадар узайтиришга яқин эканлиги хабар қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади