Аргентина миллий жамоасининг янги сардори ким бўлиши маълум

Лионел Месси миллий жамоани тарк этганидан сўнг Аргентинанинг янги сардори этиб Кристиан Ромеро тайинланди. Бу ҳақда TyC Sports хабар берди.

39 ёшли ҳужумчи ҳам, Жаҳон чемпионатидан сўнг халқаро фаолиятини якунлаган Николас Отаменди ҳам энди бу вазифани бажара олмайди. Шу сабабли жамоа етакчилигини «Атлетико»нинг марказий ҳимоячиси ўз зиммасига олади.

Таъкидланишича, бу қарор тасодифан қабул қилинмаган. Ромеронинг сардорликка тайёргарлик жараёни Жаҳон чемпионатидан олдинроқ бошланган. Ўшанда у жамоанинг учинчи сардори этиб тайинланганди. Энди эса дастлабки икки номзод йўқлиги сабабли боғични у тақади.

28 ёшли футболчини миллий жамоанинг юзига айлантириш қарорини бош мураббий Лионел Скалони қабул қилган. У Кристиандан кўра 34 ёшли дарвозабон Эмилиано Мартинес ёки худди шу ёшдаги ҳимоячи Николас Таляфикони сардор этиб тайинлашни маъқул кўрмади.

Ромеро Аргентина миллий жамоаси сафида ўтказган 58 та ўйинининг 3 тасида майдонга сардорлик боғичи билан тушган. Ушбу учала баҳс ҳам Скалони бош мураббийлиги остида ўтказилган.