Дунёнинг тўққизинчи ракеткаси, америкалик теннисчи Бен Шелтон «US Open-2026» чоракфинал ўйини ҳақида фикр билдирди. Шелтон «Катта дубулға» турнирларининг етти карра чемпиони, дунёнинг учинчи ракеткаси, испаниялик теннисчи Карлос Алкарасни мағлуб этди. Учрашув 6:7 (5:7), 6:1, 6:3, 1:6, 7:6 (10:7) ҳисобида якунланди.
«Ҳа, чарчадим. Бу уруш, жисмоний жиҳатдан ниҳоятда оғир эпик тўқнашув эди. Карлос атиги 23 ёшда бўлса-да, спортимизнинг энг буюк чемпионларидан бири ҳисобланади. У билан бир кортда бўлиш ҳар доим ёқимли. Унинг баъзи ҳаракатлари баъзан кишини ақлдан оздиради. Аммо ҳа, бу, шубҳасиз, фаолиятимдаги энг ёқимли ўйин бўлди», - деди Шелтон матбуот анжуманида.
Маълумот учун, мусобақа финалига чиқиш учун Бен Шелтон жаҳон рейтингида 12-ўринни эгаллаб турган ҳамюрти Френсис Тиафо билан рўбарў келади.
