«Реал» бош мураббийи Алваро Арбелоа Эдуарду Камавинга ҳақида ижобий фикр билдирди.
«У майдонга қайтди — ўйнаш ва жамоага ёрдам бериш учун, у айнан шуни хоҳлайди. У катта характерга эга футболчи. Ёш бўлишига қарамай, унда катта тажриба бор. Қачон керак бўлса, майдонга тушади.
Сўнгги ойлар давомида у жамоа учун муҳим футболчи бўлди — асосий таркибда бўладими ёки захирадан тушадими, барибир фойда келтирди. Вини каби футболчилар жуда ёш келиб, қисқа вақт ичида муҳим совринларни қўлга киритди.
У нафақат мураббий, балки бутун клуб ишончига эга. Ишончим комил, мухлислар ҳам уни қўллаб-қувватлайди», — деди Арбелоа клуб расмий сайтига.
Маълумот учун, «Реал» Ла Лига 33-тури доирасида «Алавес»ни 2:1 ҳисобида мағлуб этди. Ҳозирда мадридликлар 73 очко билан турнир жадвалида 2-ўринда бормоқда.
