Аморим 0:3дан сўнг: «Ҳар томонлама омадсиз ўйин бўлди»

«Милан» бош мураббийи Рубен Аморим Европа Лигаси 3-туридан ўрин олган «Борнмут» (0:3) билан ўйиндан кейин ўз фикрларини билдирди.

«Бу тўлақонли ўйин бўлмади: қизил карточка ва пеналти барча нарсани ўзгартириб юборди ҳамда биз рақобатлаша олмай қолдик. Аслида, ҳақиқий кураш ҳам бўлмади. Ўша бурчак тўпидан кейин пеналти белгиланишига йўл қўймаслигимиз керак эди. Бунинг устига, майдонда 10 киши бўлиб қолдик (28-дақиқада Менян четлатилди).

Энди тикланишимиз ва кейинги учрашувга эътибор қаратишимиз керак. Бугун камчиликда ўйнаганимиз учун жуда кўп югуришимизга тўғри келди. Менимча, бу ҳар томонлама омадсиз ўйин бўлди. Футболчиларни ўзларини энг қулай ҳис қиладиган позицияларга жойлаштиришга ҳаракат қилдим, кейин эса захира алмашинувлари орқали ўзгартишлар киритдим.

Мен ҳали Менян билан гаплашишга улгурмадим. Ҳозир бутун эътиборимиз «Удинезе» билан бўладиган ўйинга қаратилган. Уйга қайтганимиздан кейин ҳаммасини муҳокама қиламиз. Бундай оқшомлар ҳам футболнинг бир қисми. «Милан» тарихига назар ташласак, ҳозир бутунлай бошқача вазиятда эканимизни кўриш мумкин. Шунга қарамай, футболчиларимнинг муносабати менга ёқди: улар бир-бирларини қўллаб-қувватлашга ҳаракат қилишди», — деди Аморим Sky Sport Italia нашрига берган интервюсида.