2026 йилги ФИФА Қитъалараро кубоги финали 16 декабр куни Қатарнинг Ар-Раян шаҳридаги «Аҳмад бин Али» стадионида бўлиб ўтади. Бу ҳақда Франциянинг «Пари Сен-Жермен» расмий сайти хабар берди.
Финалда Чемпионлар лигасининг амалдаги ғолиби «Пари Сен-Жермен» Challenger кубогининг энг яхши жамоаси билан учрашади. У ерда Мексиканинг «Deportivo Toluca» (КОНКАКАФ Чемпионлар кубоги ғолиби) ва Жанубий Африканинг «Mamelodi Sandauns» (Африка чемпиони) жамоалари ўзаро баҳс олиб боради. Сўнгги иштирокчи 2026-йилги Либертадорес кубоги ғолиби бўлади.
Маълумот учун, 2025 йилда «ПСЖ» Бразилиянинг «Фламенго» жамоасини 1:1 (пеналтилар сериясида 2:1) мағлуб этиб, Қитъалараро кубокни қўлга киритган эди.
