Аллегри Спаллеттини 8 йилдан бери мағлуб этолмаяпти

«Ювентус» Италия чемпионати 10-тури доирасидаги баҳсда «Наполи»ни 2:0 ҳисобида мағлуб этди.

Бу баҳс Лучано Спаллетти ва Массимилиано Аллегри бошқарувидаги жамоалар ўртасидаги 17-ўйин бўлди. Ўзаро баҳсларда Спаллетти 7 марта ғалаба қозонган, Аллегри ҳисобида эса 5 та ютуқ бор. Яна 5 та ўйин дуранг билан якунланган.

Таъкидлаш керакки, Аллегри қарийб 8 йилдан буён Спаллетти бошқарувидаги жамоани мағлуб этолмаяпти. Унинг сўнгги ғалабаси 2018 йил декабр ойида қайд этилган. Ўшанда Макс бошқарувидаги «Ювентус» Спаллетти устозлик қилган «Интер»дан устун келганди.

Шундан буён икки мураббий жамоалари бугунги сўнгги баҳсни ҳам қўшиб ҳисоблаганда, 7 марта ўзаро майдонга тушишган. Уларнинг 4 тасида Спаллетти шогирдлари ғалаба қозонган, яна 3 та ўйин дуранг билан якунланган.